“Wala na bang gagayatin, kuya Harry?” pagtatanong ko sa pinsan ko.
Paano ba naman kasi pinaghihiwa niya ako ng mga gulay para sa lulutuin nila ni Bennet. Sa dami naming pinsan, ako ang hinila niya.
Paano naman kasi hindi raw p'wede si Queen dahil last time na pinatulong niya sa pagluluto ang isang iyon, hinugasan ni Queen ang mga gulay na may sabon. Sinabon niya ang mga gulay! Jusko!
Hindi rin daw p'wede si Tyron dahil iyong tumulong din ang isang ito, sobrang pino raw ang paghihiwa niya sa mga gulay.
Lalo na ang iba kong pinsan, wala ka na mapapala sa mga iyon. Taga-kain lang ang p'westo nila sa kusina. Kaya heto ako todo hiwa kahit gusto ko na humiga sa kama ko.
Tinignan ko si Asher na tahimik na nagbabalat ng mga gulay. Buti pa si Asher kahit pakiramdam ko gusto na rin niya um
