Makalipas ang ilang minuto, nahihiyang pumasok si Ariel sa aking unit, at hindi niya magawang tingnan si Ate Anna sa mga mata. Malamang nahihiya siya o natakot o ewan ko lang sa kanya. Pinakiusapan ko na si Ate Anna na huwag ipaalam sa mga kapatid ko ang tungkol sa lalaki dahil ayokong may makialam. Gusto ko na ako na muna ang mag-handle ng lahat. Isa pa, mature na ako para sa aking love life at hindi ko kailangan ang pakialamero. Pero iyong mga kapatid ko kasi, napaka-epal talaga.
“Maging mabait po sana kayo sa kanya,” bulong ko kay Ate Anna bago siya nagtungo sa sala upang kakausapin ang lalaki.
Habang tinuturuan niya si Ariel sa sala, abala naman ako sa kusina sa paghahanda ng hapunan namin. Sa aming pag-uwi, iminungkahi ko na mag-order kami ng takeout, ngunit pinilit niya akong magl
