NAPAKAPIT si Klarissa sa kanyang dibdib ng mapasandal siya sa pintuan ng security area ng hotel. Sandali siyang pumikit at huminga ng malalim. Sa kanyang pagdilat, sumalubong sa kanya ang nagtatakang tingin ng mga security guard sa loob. Pilit siyang ngumiti at binati ang mga ito saka lumabas na doon.
Hindi niya in-expect na makikita niya si Alfred sa resort. Ang buong akala niya, umalis na ito pagkatapos ng meeting nito kay Lance. Nakuyom niya ang magkabila niyang kamao at mabilis na tumungo sa opisina ng future brother-in-law niya.
All the way there, she saw Alfred again roaming around the lobby. Agad siyang umiba ng daan para hindi na ito masalubong ulit. Tila lumiit ngayon ang mundo niya dahil lang sa nasa paligid si Alfred. Nilakihan niya ang mga hakbang niya patungo sa opisina ni L
