“Ate Melen? Ate? Gising ka na po at hinahanap ka na ni Miss Carolina.” Dahan-dahan kong minulat ang mabibigat na mga mata ko na’ng marinig ang boses ni Chery kahit hindi ko pa maintindihan ang sinasabi n’ya. “Heto kumain ka muna dahil inutusan ako ni Sir Huston na ihatid ‘tong hinanda n’yang pagkain dito sa k’warto bago s’ya umalis dahil nag mamadali kasi s’ya at late na.”
Kinusot kusot ko naman ang mga mata ko habang unti unting umupo sa kama at doon ko nakita si Chery na maingat na nilapag ang maliit na mesa sa harapan ko na may lamang pagkain at isang basong gatas. “A...Anong oras na ba?” mahinang usal ko sabay sinulyapan ang mga pader kung may wall clock pero wala akong nakita.
Humikab na lang ako sabay tinitigan ang naka haing agahan. “Ala siete y media na po yata, bilisan n’yo dah
