"Sabi ko na, eh— Ikaw si Marelle." Masaya ito habang pumalpak.
Dahan-dahang lumapit si Sebastian sa kaniya at hindi maiwasang pumatak ang kaniyang mga luha. Awang-awa siya rito, dahil sobra itong pumayat.
"Marcila, naalala mo pa ba ako?" malumanay niyang tanong at hinawakan ang pisngi nito.
"Oo! Oo! Ikaw na ba iyan, Sebastian?" balik tanong nito at nagsimulang mamula ang kaniyang mga mata.
"Yes, Marcila. Ako ito at kasama ko ang anak nating si Marelle."
"Sebastian — Marelle? Ikaw ... ikaw si Marelle?" Masaya siya at palit-palitan ang kaniyang tingin sa mag-ama.
Kung pagmasdan si Marcila ay animo'y hindi siya baliw.
"Oo, Mama. Ako ito, ang nawawala mong anak. Ma, marami po ang nangyari sa buhay ko, pero ikukuwento ko po sa iyo ang lahat. Sa ngayon ay lumayo na tayo dito."
"Ma
