"Kuya!" Mabilis na habol ni Winser sa kaniyang Kuya. Nasa basement na ito at maagap na pinigilan nang papasok na ito sa sasakyan nito. Nakamaang na nakatingin lang ito sa kaniya na tila ba tinatantiya ang kaniyang sinabi. "Ako na ang magmamaneho," untag dito.
Muling tumiim ang tingin ng kapatid sa kaniya kaya agad siyang ngumiti rito hanggang sa naglakad ito paikot sa passenger's seat. Agad siyang pumasok at siya na ang nagmaneho. Mabilis na pinausad ang sasakyan nito.
"Kumusta ka, Kuya?" turan upang basagin ang katahimikang namamayani sa kanilang dalawa sa loob ng sasakyan nito. Ramdam ang pagtingin ng kapatid pero nananatiling nakapinid ang bibig nito.
Batid ni Wynn na tila naaawa ang kapatid sa kaniya kaya siya nito tinutulungan. Hanggang sa napansing panay ang tingin nito sa kaniy
