"Althea," dinig buhat sa kanyang likuran.
"Ate Vivian?!" bulalas na sabad rito.
"May kausap ka yata?" turan nito.
"Ah—eh," aniya sabay lingon sa kinaroroonan ni Wynn. "Opo, nagtatanong lamang po," agad na kaila rito saka mabilis na tinungo ang kinaroroonan nito bago pa ito maghinala.
Pasimpleng nilingon si Wynn pero nakatayo pa rin ito roon. Kaya ng matapat dito ay agad itong tinawag papasok. "Handa na ba ang iluluto natin, Ate?" untag dito. Plano niyang ipagluto si Demi ng paboritong pagkain na kalderita at kare-kare.
"Oo, nahanda ko na," mabilis nitong tugon saka sumunod sa kaniya. Mabuti na lamang at hindi na muling tinawag ni Wynn ang pangalan niya dahil mas lalong magtataka ang babae kung bakit nito ang pangalan kung tinawag siya nito.
Ngayon pa lang ay kinakabahan na siya sa ma
