Wala silang imikan hanggang sa makabalik sa bahay nito. Salitang tumunog ang kanilang cellphone pero ayaw nilang sagutin iyon dahil tiyak ang kanilang wedding gown designer ang natawag dahil late na sila sa kanilang appointment. Gusto man sanang kausapin si Demitrio pero natatakot siyang baka tuluyang magalit ito. Ngayon niya lamang ito nakitang pumormal ng mukha.
Pagbaba nito sa sasakyan ay agad na umakyat sa silid nito. Wala siyang nagawa kundi ang pagmasdan na lamang ito.
"Anong nangyari?" tinig na nagpalingon sa kaniya. Ang kaniyang Mama iyon at kita ang mapang-usig nitong tingin. "Hindi ba't may fitting kayo? Bakit bumalik kayo at bakit ganoon ang mukha ni Demitrio?" sunod-sunod na tanong nito.
"Mama," tanging nasambit na lamang dito. Mas lalong naging mapanghinala ang ina dahil sa
