"Ahemmm!" tikhim ni Daniela ang gumambala sa tinginan nilang dalawa.
"Hmmm! Babe, upo ka muna," aya niya kay Wynn sa isang bakanteng upuan sa tabi niya. Malugod namang tumalima ang kasintahan at nang muling balingan ang kaibigan ay mapanudyo pa rin ang ngiti sa labi nito.
Nang naging abala si Wynn sa pag-order ng pagkain nila ay muli siyang inuntag ni Daniela. "Ikaw ha, malihim ka! Hindi ko talaga inaasahang magiging kayo," kinikilig na wika nito.
"Ako rin," bulong sabay silip kay Wynn na abala sa pag-order ng pagkain nila.
"In fairness, ang laki ng pinagbago niya at mas lalo siyang gumuwapo," saad pa nito bagay na tinugon na lamang ng ngiti.
"Babe," agaw pansin ni Wynn sa kaniya at mabilis na sumenyas kay Daniela.
"Yes, babe," agad na baling dito.
"Magbabanyo lang ako. Excuse me
