May bitbit akong isang saging na lakatan at pipino habang binabaybay ko ng tahimik ang daan patungo sa kwarto na nilaan ni Angelisse sa akin. Kinuha ko ang mga ito sa refrigerator nila dala ang isang baso ng medyo mainit na gatas. Hindi ako makatulog dahil namamahay ako rito sa bagong bahay nina Kuya Storm at Angelisse kaya bumaba ako para kumuha ng makakain. Mag-uutos sana ako sa mga katulong nila rito pero naisip ko nagpapahinga na sila at nakakahiya naman kung magpakuha pa ako ng makakain kung pwede namang ako ang kumuha nito. May konsiderasyon naman ako sa kanila lalo na at naranasan ko namang maging empleyado. Pagod sila maghapon at deserve nilang magpahinga para sa pagsabak muli ng trabaho bukas.
Sa totoo lang, mas prefer ko pa iyong dating bahay na tinitirhan nila Kuya Storm at Ang
