Mainit ang ulo ni Justin nang umalis kami sa restaurant na kinainan namin. Hindi siya maawat sa pagmumura habang pinagagalitan niya sina Kuya Allan at Kuya Max. Hindi naman umiimik ang dalawang bodyguard at tahimik lang na sumusunod sa amin. Pasimple akong humihingi ng tawad sa kanila dahil sinunod lang nila ang utos ko para hindi na lumawig pa ang gulo sa pagitan ng dalawang magkapatid. Hanggang sa makasakay kami ng sasakyan at makalayo sa restaurant ay hindi pa rin tumitigil si Justin sa pagmumura.
Narito kami sa backseat ng sasakyan dahil hindi ko siya hinayaan na mag-drive ng sasakyan dahil baka mabangga kami. Naka-convoy sa amin ang mga bodyguard namin na ilang beses niyang binilinan na huwag hihiwalay sa aming sinasakyan bago kami umalis.
Gusto lang niyang makasiguro na ligtas kam
