Jhoyce's POV
"Ma'am Jhoyce, pinapagising na po kayo ng Mommy mo." Napadilat naman ako ng mata at nakita ko si Luna sa gilid ko.
"Anong oras na?" bungad kong tanong sa kaniya.
"Nine o'clock na po," sagot nito. Napabangon naman ako at nag-unat ng katawan.
Sa loob ng ilang araw na stress ako at tanging alak lang ang dahilan kung bakit ako nakakatulog ay ngayon na lang ulit ako nakatulog nang mahimbing. Ang sarap din pa lang gumising na maganda ang bungad sa iyo ng umaga.
"Ma'am Jhoyce, nandiyan din po pala ang asawa mo." Tumigil ako sa pag-uunat ng katawan at napatingin kay Luna.
"Sinong nandiyan?" pagkumpirma ko sa kaniya.
"Iyong asawa mo po," diretsong sagot nito. Ano namang ginagawa niya rito?
"Sige, susunod na lang ako." Lumabas naman si Luna ng kwarto ko kaya pumunta na ako sa
