"HIJA, masyadong ginalingan nitong si Marco. Ang galit ko kanina para sa kanya na hanggang labas ng bahay natin ay naglaho." Lalong lumuwang ang ngiti ng Daddy niya nang ganap na nilang kaharap ito. Saglit siyang napatingin sa kasintahan at bahagyang pinisil ang isang kamay nito na nakahawak sa kamay niya.
"Is that mean na pumapayag na kayo, Daddy?" nakangiting sinalubong niya ang tingin ng ama pagkuwa'y ibinaling sa ina ang mata. Gaya ng Daddy niya ay halatang masaya rin ito para sa kanila.
"Well, napatunayan ng nobyo mo na karapat-dapat siya sa 'yo, anak. Nakikita kong mahal na mahal ka niya and I can say na sa kanya ka liligaya, hija."
"Thank you so much po, tito. Totoo naman po na mahal na mahal ko ang anak ninyo kaya hindi ako mapapayag na mawala na naman siya sa akin this time."
