MARCO
MULA sa pagkakaupo sa harapan ni Dimmitry, gusto kong hilahin si Vrenda at iupo sa tabi ko. Kitang-kita ko kasi kung paano binubusog ng kaibigan ko ang mga mata kakatitig kay Vrenda. At ano nga ang sabi nito kanina? Na kumain na ito pero ngayon ay kasabay ang kaibigan niya. Isa lang ang sigurado siya ngayon. Hinintay siya nito kaya hindi ito kumain pero nang dumating siya ay ayaw na siyang kasabay. Siguradong nagselos na naman ito kay Mayeth. Pero hindi niya mapigilang hindi mag-alala. Buntis ito at hindi makabubuti kung lalong sumasama ang loob nito sa kanya.
Alas kwatro ng hapon nang magpaalam si Mayeth. Ang pamilya ni Vrenda ay naghahanda na rin para umuwi pero gusto muna raw makita ang bahay na ipinatayo ko sa gitna ng farm.
"Mom, hindi na ho ako sasama. Maiiwan na ho ako dit
