31
Carra
Nakakapagsisi!
Ang sakit ng paa ko kahit na nakaupo lang naman ako sa kotse. Hindi kasi ako sanay sa mga sapatos na matataas ang takong at halos sinulid na lang ang nagkakabit sa mga gilid.
“Kaya pa?” Halos mangiti si Rheus nang buksan ang pinto para sa akin.
Bwisit siya. Asarin niya pa ako at mamaya ay siya ang babatukan ko ng megaphone
“Tingin mo sa'kin, weak?” I snarled, holding his hand.
Hindi siya sumagot pero nangingiti pa rin siya. Inalalayan niya ako pababa sa kotse at sinalubong naman kaagad kami ng isang gwardiya na nakangiti.
Iniabot ni Rheus ang susi ng sasakyan sa lalaki pero agad ko siyang kinalabit.
“’Yong dala ko, maiiwan.” Sabi ko sa kanya kaya nagmamadali naman niyang kinuha ang paper bag na may lamang kayamanan.
He even carried it in his other hand whi
