NAPATINGIN lang si Cecilia sa cellphone pagkatapos maputol ang linya. Tumawag kasi sa kanya si Ephraim para sabihin na susunduin siya nito para i-date siya mamayang gabi.
Hindi niya mapigilang kiligin nang gusto ni Ephraim na tawagin niya itong hubby. Tapos gusto pa siya nitong i-date mamayang gabi.
Nagpapaka-sweet ba sa kanya si Ephraim dahil gusto na nitong ayusin ang pagsasama nila o dahil gusto lang siya nitong buntisin? Hindi niya mapigilang malungkot sa isiping iyon, pero alam naman niya ang totoong dahilan kung bakit biglang nagbago ang pakitungo sa kanya ang asawa.
Pero hindi na niya iniisip 'yon. Ang importante sa kanya ngayon ay nagiging maayos ang relasyon nilang dalawa.
Dali-dali siyang pumunta sa walk in closet nila ni Ephraim para tumingin ng damit na pwede niyang suotin
