NAPATITIG lang si Cecilia kay Ephraim habang wala pa ring humapay ang puso niya sa pagtibok ng mabilis. Hindi niya alam kung ano ang isasagot niya rito. Pero sa huli kusang bumuka ang bibig niya at parang may sarili itong isip na nagsalita.
"Kahit hindi mo 'ko mahal? Paano na si Francesca?"
Nangunot ang noo nito. "Ikaw ang asawa ko, Cecilia. Paanong napasok sa usapan si Francesca?"
"Kasi siya ang mahal mo. At base na rin sa ipinapakita mo, hindi mo pa siya lubusang nakakalimutan."
"Hindi ko itatanggi 'yan. At kahit na anong mangyari hindi siya mawawala sa puso ko. Pero dahil ikaw ang asawa ko, labas siya sa usapin nating ito."
Iniwas niya ang tingin niya rito. Ayaw niyang makita nito na nasasaktan siya sa sinabi nito. Well, wala naman siyang magagawa tungkol doon at hindi naman siya n
