CHAPTER 26
SORRY
HINDI inaasahan ni Pamela na madadatnan ng ganoong oras si Jethro sa mansion. Isang linggo siyang nanatili sa probinsiya at buong akala niya ay nasa trabaho pa ang lalaki sa ganitong oras.
“ Finally, you're back. ”
Bakas sa tinig nito ang tinitimping galit.
“ J-Jethro? ”
“ Mabuti at naisipan mo pang bumalik? Umalis kang hindi nagpapaalam. Ni hindi mo ako tinawagan para ipaalam kung nasaan ka at kung ano ang lagay mo sa pinuntahan mo. ”
Tumikhim siya para alisin ang bara sa lalamunan.
“ Nagpaalam ako kay Nanay Loring. Araw-araw din akong tumatawag sa kanila ni Tate. ”
“ At sa akin? ”
Saglit na natigilan si Jethro sa sinabi. Hindi niya napigilang luma as iyon sa kaniyang bibig. Nang titigan niya ang mga mata ni Pamela, nagtatanong ang mga iyon. Bigla siyan
