Jelsea's POV
Iyak ako nang iyak habang nakasakay ako sa may bandang likuran ng sasakyan. Kanina pa ako tinatanong ni Mang Larry kung bakit ako umiiyak ngunit wala akong maisagot sa tanong ng matandang lalaki kundi iyak at paghikbi.
Iyak na nauwi sa hagulgol. Hagulgol na nauwi na lang sa pagsinok dahil nagsawa na lang din ako sa pag-iyak hanggang sa makarating kami ng airport. Namamaga na nga ng sobra ang aking mga mata at tumutulo na ang sipon sa ilong ko. Si Mang Larry pa mismo ang bumili ng rush na ticket ko papuntang Davao habang ako naman ay kausap ko sa cellphone ko si Lola habang iyak pa rin ako nang iyak. Pagsakay ko ng eroplano ay hindi ko pa rin mapigilan ang mapaluha. Ang hirap iwan ng taong muntik ko ng minahal. Sobrang hirap na kahit sinaktan na niya ako at pinagbantaan na pa
