Jelsea's POV
Niyakap ni Ate Farrah si Ate Jasmine at inalo. Ako naman ay inalo naman nina Ate Helena at Ate Alessandria para matigil sa pag-iyak.
Nang mahimasmasan kaming dalawa ay saka nagpatuloy ang usapan.
“Dapat pinakulong mo siya. Dapat pinagbayaran niya ang ginawa niya sa iyo,” ani ni Ate Jasmine na tila nakikisimpatiya ng sobra sa akin. Victim din pala siya ng asawa niya. Lagot! Baka mag-away sila dahil sa akin dahil pinaalala ko ang masakit na nakaraan na naranasan niya sa kaniyang asawa.
“T-takot ako, Ate. Ayaw ko nang maungkat ang kasalanan na nagawa ko dahil inaalala ko ang mga magulang ko. Ayaw kong makaladkad ang pangalan nila. Lalo na ang apelyidong dala ko. Isa pa, wala silang alam tungkol dito. Ang alam nila ay nasa bakasyon ako ng mga panahong iyon. Nalaman na lang nil
