Chapter 13
She’s shocked!
Napatigil pa si Nicolette sa bukana ng kusina nang makita niya ang mga nakahandang pagkain sa island counter na tingin niya ay para sa kanya.
Alas onse na ng tanghali at nagigising pa lang siya.
Paano ay hindi na naman siya nakatulog kagabi kahit na antok na antok na naman siya. Naalala na naman niya ang lalaki sa naked show at kung bakit na halos mag-iisang linggo na ay hindi niya pa rin iyon nakakalimutan. Isa pa, hindi siya sanay na may ibang tao sa loob ng bahay, malala pa ay lalaki.
Syempre may nerbyos siya kahit na ama ni Ziggy ang kasama niya pero lumipas naman ang magdamag na tahimik ang gabi at wala namang naging aberya.
“D-Daddy Lorenzo?” tawag niya sa beyanan dahil tahimik ang paligid at walang kalat.
Parang wala naman nagbago sa bahay, sa tot
