NAKAUWI na si Freya sa kanilang bahay na matatagpuan sa isang pamayanan sa Purif na malapit sa Llavars Volcano. Kasama niya na umuwi ang kanyang kuya na si Hellio. Tahimik tuloy siya at walang imik habang sila ay nasa byahe. Hindi naman nila nakasama ang kanilang ama dahil ito ay marami pang kailangang gawin dahil sa mga nangyari.
“Freya, magiging masaya ang pagtigil natin sa bahay. Kailangan kong magsanay para mas lalong lumakas at magagamit kita,” nangingiting wika ni Hellio sa dalaga habang ang kamay nito ay nasa asul na buhok nito.
Nanginginig na nga lang ang labi ng dalaga habang magkatabi sila ng kanyang kapatid. Ang lakas din ng kabog ng kanyang dibdib, na para bang ayaw niyang umuwi dahil dito.
“Kailangan kong mas lumakas... Hindi ako papayag na maulit ang nangyari sa a
