"Girlfriend?" Nanatili akong kalmado habang nakatalikod kay Kaito. Napansin ko rin ang pananahimik sa kabilang line.
Ibinaba ko na ang picture frame sa table at saka nakangiting humarap kay Kaito.
"I'm sorry, one door was locked outside so I came in. I thought this was the restroom," medyo nakangiwi kong sabi habang nakahawak ako sa aking puson.
Alam kong ubos na ang oras ko kanina. Kung magmamadali akong lumabas ay aabutan pa rin ako ni Kaito at maaaring mas magsuspetsa pa siya sa akin.
"Maybe Dad locked it. It doesn't matter, he's already outside. Let's go," sagot niya at wala akong mabasang emosyon sa kaniya.
Pabago-bago ang reaksyon ng kanyang mukha. Pabago-bago rin ang timpla ng kanyang ugali sa bawat oras. Hindi ko masabayan. Ang ganitong klase ng ugali niya ang kailangan kong
