LYKA
“PARANG gusto ko na lang pala ng spaghetti, sweetheart,” kapagkuwan ay wika ko kay Verex nang huminto ang aming sasakyan sa isang seafood restaurant pagkatapos kong sabihin sa kaniya na gusto ko ng buttered shrimp. “Ayaw ko na pala ng hipon.”
Paborito naming kainan ang restaurant na ito kaya alam namin na wala silang sine-serve na pasta.
“It’s okay, sweetie,” nakangiting wika naman ng aking asawa. Walang bahid ng pagkayamot sa mukha niya kahit bumiyahe pa kami nang malayo para lang makarating dito. “Lipat na lang tayo doon, o.” Itinuro niya ang isang resto kung saan ay halos pasta naman ang specialty nila. Doon din kami madalas kumain kapag kasama namin si Pablo dahil paborito niya roon ang spaghetti.
“Ayoko do’n. Alam mo naman na ang anak mo lang ang may gusto ng pasta nila doon
