MAY pilyong ngiti ang nakapaskil sa mga labi ni Crisostomo nang lumabas sila ng stock room. Samantalang si Anne naman ay parang noon lang nahimasmasan pagkatapos ng dalawang beses nilang pagniniig sa madilim na silid na iyon. Hanggang sa makababa sila para balikan si Ivy ay pulang-pula pa rin ang mukha ng dalaga. Nahihirapan siyang tumingin nang diretso sa mga mata nito sa tuwing napapatingin sila sa isa’t isa.
Nang makarating sila sa tapat ng room ni Ivy ay agad siya nitong hinapit sa baywang. “Okay lang kung huwag ka nang sumama sa loob. Kasama naman ni Ivy ang kapatid niya sa loob. Uuwi na lang daw muna siya para makapagpahinga. Saka na siya dadalaw sa anak ko.”
Kadalasan naman ay hindi siya nakakaramdam ng konsensiya sa mga nagiging biktima niya o kaya ay napaghihigantihan niya. Kaya
