KALAHATI pa lang ang laman ng bote ng alak na nainom ni Anne pero hilong-hilo na siya at parang wala na siya sa tamang huwisyo. Ganoon din si Alfred kaya panay na ang kulitan nilang dalawa. Kung saan-saan na napunta ang kuwentuhan nila na hindi rin naman nagsi-sink in sa isip niya dahil sa kalasingan.
Parang nakuwento nga rin niya sa HR Manager ang tungkol sa problema niya kaya siya naglalasing. But she wasn’t sure. At malabo rin na matandaan pa iyon ni Alfred kinabukasan dahil sa kalasingan din nito. Nagkuwento rin naman ito sa past love life nito. Sinubukan din pala nito na magpakalalaki pero sadyang babae raw ang puso. Pati na rin ang hinanakit nito sa pamilya ay nabanggit din ni Alfred, lalo na kay Crisostomo. Ngunit hindi niya gaanong naintindihan kaya purong tawa na lang silang dal
