CHAPTER 40:
ANG INAAKALA NAMING PAGTUTULOY-TULOY NG MAPAYAPA naming relasyon, sa umpisa lang pala. Matapos ng dalawang buwan, isang balita mula sa Spotted ang sumira sa payapa naming pagde-date.
Post from Spotted:
Zareb Aguilar, kumpirmadong may girlfriend na!
Sa larawan sa ibaba, makikita kung gaano kalapit ang dalawa. Kuha ito sa subdivision kung saan nakatira ang myembro ng Sexy Seven na si Zareb Aguilar.
Tatlong picture ang naroon. Iyong una ay lumabas ako sa gate ng bahay nila Zareb, iyong pangalawa naman ay sumunod siya sa akin, at iyong pangatlo ay iyong niyakap niya ako mula sa likod.
Ilang beses ko nang tiningnan ang picture at ilang beses na rin akong nagsisi kung bakit nagtampo-tampo pa ako ng mga oras na 'to. Kung hindi sana ako nagtampo sa kaniya, wala sanang makakakita.
