Malapit na akong umuwi sa sobrang inip dahil mag-isa lang ako sa buong palapag, ang laki-laki pa naman nito sabayan pa na ang lamig sa buong paligid. Naiisip ko tuloy baka biglang may sumulpot na white lady sa harap ko, siguradong tatakbo talaga ako paalis.
Ilang minuto pa akong naghintay nang sa wakas ay natanaw ko ang isang babae na sumulpot sa dulo ng hallway at ngayon ay naglalakad papunta sa direksyon ko. Nakasuot siya nang matingkad na kulay pink na coordinates. Tumutunog din ang takong niya na siyang tanging maririnig sa buong floor.
“Hi, aplikante ka rin ba?” agad na bati ko sa kanya nang makalapit sa akin.
Alam kong feeling close ako pero inip na inip na talaga ako at pakiramdam ko ay mapapanis na ang laway ko. Hindi ko naman matawagan ang mga anak ko dahil siguradong natutul
