“Happy birthday to you… Happy birthday, Mr. De Vera. May all your wishes and dreams come true.”
Sabay-sabay kaming pumalakpak pagkatapos nang ginawang pagkanta ng staff dito sa isang fine-dining restaurant na pinuntahan namin sa Pasay. Iniabot nila kay Papa ang isang slice ng cake na nasa plato na mayroon ding nakalagay na birthday greetings.
“Thank you, Sir, Ma’am…” Nakangiting nagpasalamat sa kanila si Papa, pagkatapos ay tumingin muna siya sa amin saglit saka pumikit bago niya hinipan ang kandila.
Muli kaming pumalakpak. Kahit ang katabi naming mesa ay nakibati rin at nakipalakpak kay Papa. Kanina pang hindi nawawala ang malaking ngiti sa aking labi.
It is just a simple celebration for his birthday. Noon pa man ay hindi na mahilig sa magarbong selebrasyon si Papa, at sa kanya yata
