UNTI-UNTI ring nasasanay si Aniya sa trabahong nakaiinip. Kapag wala namang trabaho sa opisina ni Lucian ay tumutulong siya sa mga staff sa laboratory. Half-day lang sa opisina si Lucian dahil matutulog daw ito. Napuyat na naman ito kasi sinumpong. Mabuti hindi ito lumabas ng bahay.
Marami nang nagkalat na hunter sa siyudad tuwing gabi na gustong mahuli ang halimaw na tatay ni Lucian. Pagsapit ng alas-tres ng hapon ay humilab ang kaniyang sikmura. Lalabas sana siya upang bibili ng meryenda ngunit biglang dumating si Nash na may dalang isang kahon ng pizza pie. Nasalubong niya ito sa entrance.
“Hi, Aniya!” nakangiting bati nito.
“Hello! Napadalaw ka ata. May nililigawan ka ba rito?” aniya.
Ngumisi ito. “Wala. Ikaw lang ang gusto kong makita at si Lucian.”
“Hm, ikaw, ah. Bina-bypass mo
