MALAYU-LAYO na si Lucian nang makapagpasya si Aniya na pigilan ito.
“Lucian!” tawag niya sa binata.
Tila walang narinig si Lucian at patuloy sa paghakbang. Hindi niya palalagpasin ang pagkakataon na makausap ito. Hinabol niya ito at pinigil sa kanang braso. Hinarap naman siya nito.
“Hayaan mo akong makausap ka kahit sandali,” aniya.
“Huwag ngayon, Aniya,” sabi nito at inalis ang kamay niya sa braso nito.
“Importante ang sasabihin ko. Tungkol ito sa nanay mo.”
“I know.”
“Alam mo na?” Titig na titig siya sa seryosong mukha nito.
“Kung tungkol sa nanay ko ang sasabihin mo, alam ko na. Nanay ko ang kinilala mong ina,” sabi nito.
Natigagal siya. Kahit papano ay naibsan ang bigat sa kalooban niya.
“Alam mo na pala, bakit umiiwas ka pa rin?”
“Hindi mo rin naman ako maintindihan. Salama
