BIYERNES ng hapon pagkatapos ng klase ni Aniya ay niyaya niya si Lucian na dalawin ang puntog ng kanilang ina. Kaarawan kasi ng nanay nila. Hindi iyon alam ni Lucian kaya inabisohan niya. Bumili sila ng bulaklak at kandila.
Pagdating nila sa memorial park ay nasorpresa sila nang madatnan ang tatay ni Lucian na nagtirik ng kandila sa puntod ng nanay nila. Nagpagupit ng buhok ang ginoo pero hindi nag-ahit ng balbas at bigute. Nakasuot ito ng itim na leather jacket at bughaw na pantalong maong at bughaw na ball cap sa ulo.
“Mabuti naalala mo pa ang kaarawan ni Nanay,” sabi ni Lucian nang lapitan nila ang ginoo.
Tumayo ito at hindi sila sinipat. “Kailanman ay hindi ko makalilimutan ang kaawaran ng nanay mo. Espesyal sa akin ang araw na nagdiwang siya ng kaarawan, iyon din ang panahong tina
