GINISING si Lucian ng masamang balita. Nahuli umano ng mga hunter ang tatay niya. Ang aga-aga’y tumawag sa kaniya si Mang Elmer at sinabi na hawak na ng mga hunter si Tedio. Pero ang detalye sa balita sa telebisyon ay lalong nagpakaba sa kaniya. Kusa raw sumuko ang werewolf sa headquarter ng mga hunter.
“Paano ‘yan, Lucian? Nahuli na ang tatay mo!” balisang sabi ni Aniya nang mapanood din ang balita. Hindi nito matapos-tapos ang pag-aalmusal.
“May mali, Tedio trapped the idiots,” aniya.
“Ano?”
“Hindi magpapahuli basta si Tedio o susuko na walang dahilan. May plano siya.”
“Ano’ng plano? Baka patayin na nila ang tatay mo.”
Nakita niya sa telebisyon ang kulungan kung nasaan ang tatay niya. Kalmado sa loob ng piitan si Tedio habang normal ang anyong tao. Ang target lang naman nito ay ang
