DANAYA
“Hey, Danaya, are you okay?” narinig kong tanong sa akin ni Ate Sofie, kaya bumaling ako sa kanya at nawala ang tingin ko sa taong sinundan ko ng tingin.
“Kanina pa ako nagsasalita, pero mukhang hindi ka naman nakikinig,” nakasimangot na sabi sa akin ni Ate Sofie.
“Nakita ko kasi si Mommy,” sagot ko.
“Saan?” Humaba rin ang leeg ng pinsan ko nang ituro ko sa kanya ang direksyon kung saan ko nakitang may kausap na doktor ang aking ina.
“Wala naman, ah,” sabi ni Ate Sofie.
Muli akong tumingin sa bahaging iyon ng ospital, pero hindi ko na nakita si Mommy. Ilang ulit akong nagpalinga-linga, pero hindi ko na nasundan kung saan siya nagpunta dahil bigla na lang siyang nawala, pati na rin ang doktor na kausap niya.
“She's not here,” sabi ni Ate Sofie. “Baka kulang ka na naman sa tulo
