JC
“Mag-imbestiga kayong mabuti para malaman ninyo kung ano talaga ang nangyari sa secretary ko. Hindi ganyan na ang gumagawa kayo ng kwento, at pati ako, gusto pa ninyong idamay sa kalokohan ninyo!” inis na bulyaw ko sa dalawang pulis sa harap ko.
“Mr. Laxamana, hindi kami gumagawa ng kwento. Iyan ang lumabas sa imbestigasyon namin,” agad na sagot ni PO1 Carbajal.
“Bullshit!” Tinapunan ko siya ng matalim na tingin at pagkatapos ay matigas ang ekspresyon na bumaling kay PO3 Lamazares.
“Kung talagang ginagawa ninyo ng mabuti ang inyong mga trabaho, hindi ganyan ang magiging resulta ng imbestigasyon ninyo!” galit na singhal ko sa dalawang pulis na nag-iimbestiga sa nangyari kay Molly.
Nagkatinginan ang mga pulis na kaharap ko, pero balewala sa akin ang nakita kong pag-igting ng kanilang
