DANAYA
Natigilan ako nang marinig ko ang malakas na tunog ng paalis na helicopter. Bigla akong napabangon sa kama at lumabas ng silid ko para tingnan kung umalis si JC pati na rin ang kanyang mga tauhan na nagbabantay sa labas ng bahay ni Ate Precy.
“Kung si Laxamana ang hinahanap mo, umalis na siya, Dana.”
Natigilan ako at napatingin kay Romeo sa sofa. Nandito pa rin pala siya sa sala at kitang-kita niya kung paano ako lumabas na tila wala sa sarili at nakapaa pa.
“Gusto mo ba siyang makita?”
Umiling ako at kunot ang noo na sumulyap sa pintuan.
“Gusto ko lang makasiguro na umalis na siya, pati na rin ang kanyang mga tauhan,” nag-iinit ang magkabilang pisngi na sagot ko.
“Si Laxamana lang ang umalis,” sabi ni Romeo.
“Anong ibig mong sabihin?”
Ngumiti siya at sumulyap sa pintuan,
