JC
Inutusan ko si Molly na pumunta sa security department at kunin ang CCTV footage para makita ko kung sino ang lalaking naghatid ng mga larawan ni Trixie dito sa aking opisina.
Kahit hindi direktang sinabi sa akin ng lalaking iyon ang tungkol sa intensyon niya sa paglapit sa akin, alam kong gusto niyang guluhin ang aking isipan, at malinaw ang ibig niyang ipahiwatig na dapat ay imbestigahan ko si Trixie.
Mahigpit ang bilin ko kay Molly na walang dapat makaalam sa gagawin niya dahil sigurado akong nasa paligid ko lang ang taong nagpadala sa akin ng mga larawan ni Trixie.
Siguradong nagmamasid siya at nakabantay sa kilos ko, kaya dapat maging maingat kami sa lahat ng gagawin namin para hindi ma-compromise ang imbestigasyon na gagawin ko.
Nadatnan kong kasama ni Mommy ang iba ko pang n
