JC
Nagmakaawa ako sa mga magulang namin ni Danaya, pero buo na ang pasya nilang lahat na paghiwalayin kaming dalawa at huwag nang ituloy ang aming kasal.
Wala akong nagawa kundi tanggapin ang pasya nilang lahat kahit masakit sa akin dahil alam kong ito na ang katapusan ng lahat sa amin ni Danaya.
Nawala sa akin ang mag-ina ko, at kapag nagpumilit ako at may hindi na namang magandang nangyari kay Danaya, sisisihin nila ako.
Ayaw kong tuluyang masira ang relasyon ng aming mga pamilya, kaya kahit napakasakit sa akin ng lahat, ay pikit-mata kong tinanggap ang pasya ng aming mga magulang.
Kasalanan ko naman kasi kung bakit nangyari ito. Kung sana, una pa lang, ay tinanggap ko na ang dapat sana'y kasal naming dalawa ni Danaya, hindi sana kami umabot sa ganito. Pero masyado nang maraming nan
