MABIGAT ang dibdib na tumingin si Zale sa dalaga na papasakay ng sasakyan niya. Nagagalit siya kay Ella dahil wala itong ginawa kung hindi ang pagbintangan siya.
Pulitiko ang ama nito at maraming kalaban sa pulitika kaya bakit sa Markesa nito sinisisi ang lahat? Bakit kailangang sa kanya ipamukha ang mga masasamang nangyayari sa pamilya nito? Nabigla nga rin siya sa nakitang balita. Pero may naisip na siya kung sino ang maaaring may kagagawan niyon.
Matagal na niyang binitawan ang ama nito para sana sa misyong paghihiganti sa taong pumatay sa ina. Pero nang mabuksan ang kaso ng Mommy niya, hindi na niya tinuloy. Ang mahalaga sa kanya ngayon, nabuksan na ang kaso ng Mommy niya. Isa kasi ang ama nito sa nagpasara noon ng kaso kasama ang mga Madrid.
Sa totoo lang, marami siyang bagay na p
