PAGKATAPOS magbigay ng kanilang statement sa pulisya ay kaagad ding pinaalis sina Serenity at Count. Hindi sila pupwedeng bumalik sa mansion kaya naman nagdesisyon na lamang silang tumuloy sa isang hotel. Doon sila nagpahinga. Sa tingin din ni Count ay doon makapagpapahinga nang mabuti ang asawa. Nang makarating sila sa silid ay agad din silang nakatulog dahil sa pagod at puyat. Datapwat anong oras na nakatulog ay nagising pa rin nang maaga si Count. Siguro ay dahil sa kaniyang body clock.
ㅤ ㅤㅤ ㅤ ㅤㅤ ㅤ ㅤㅤ ㅤ
Matapos makapaligo ay naalala niya ang tungkol sa babae na tinawagan kagabi. “Shít! Nakalimutan ko!” sambit niya sa sarili at tinapik ang ulo. Inilabas niya ang isang cellphone na gamit kagabi at idinial ang numero nito ngunit hindi na matawagan ang babae. “Damn, damn!” paulit-ulit
