"Saan ka galing anak? Gabi na ah, ilang gabi ka ng late umuuwi. Saan ka ba nagpupunta?" Sunod na sunod na tanong ng Mama ni Felix nang makita siyang papaakyat pa lamang ng hagdan at suot pa rin ang damit kaninang umaga nang umalis. Hindi inaasahan ni Felix na darating siyang gising pa ang ina dahil masyadong late na.
Nasa pinakataas itong ng walong baitang na kanilang hagdan. Nakapamewang at halata sa mukha na handa ito sa isang magdamagang interogasyon.
"May inasikaso lang po ako." Matamlay niyang sagot. Pagod na siya't inaantok. Gusto na rin niya mag-shower para mapreskohan at maayos na makatulog.
"Hindi ako maniniwala na nasa opisina ka lang, Eh sabi ng guard na night shift wala ka na daw doon kanina pa, maaga ka raw umalis." Singhal niya sa anak.
Mula sa seryoso ay nag-aalala naman
