Ikalawang Bahagi: Kabanata 60
Kaharian ng Fotia "Mahalia--" "Maginoong Mirza, nasaan ho ang bawat pinuno ng mga mandirigma natin? Nais ko silang kausapin patungkol sa magaganap na maigting na pagbabantay at pagsasanay," ani agad ni Mahalia na siyang nilagpasan lamang ang amatista ng Fotia at sinundan ngang agad ang matanda. Napasinghap na lamang si Ebraheem sa kawalan at napakamot ng kaniyang ulo dahil sa muling pag-iwas sa kaniya ng dalaga. "Kaya naman pala hindi tinanggap ng Binibining Mahalia ang aking pagtingin sa kaniya." Natigilan ngang husto si Ebraheem at ibinaling ang tingin sa kaniyang likuran. "Rio," sambitla nito habang nakakunot ang kaniyang noo. "Ikaw pala ang tinutukoy niya," patuloy ni Rio na siyang mapait nga ngayong ngumiti at buntong-hiningang ibinaling ang tingin sa amatista ng Geo na kasal
- Writer
