Chapter 37
Ellie
Pagdating namin sa pamilihan ay inuna kong puntahan ang tindahan ng mga barong. Hindi pa ako pamilyar sa pasikot-sikot sa pamilihan kaya nakailang ikot din kami hanggang sa marating ang tabi-tabing tindahan ng iba’t-ibang uri ng kausotan. Dahil na rin sa maliit na espasyo ng makitid na daanan ay naging kulob ang mga boses na maririnig at medyo mainit din. Kaya ilang beses ko ring dinama ang likod ni Shane, mabilis kasi magpawis ang anak ko.
Nakasunod sa aming likuran si Ridge. Pakiramdam ko nga, habang naghahanap kami ng mabibilhan ay mainit niya kaming pinagmamasdan mula sa likuran namin. Kapag humihinto at titingnan ko ang ilang damit na naka-display, bigla ko na lang siya mararamdamang huminto sa likuran ko at hahawakan ako sa baywang. Hindi naman ako nagugulat pa, b
