DEUS
Mula dito sa kinatatayuan namin ni Juice, tanaw namin si Nathan na nakaupo sa isang coffee shop. Masama siyang nakikipagtitigan sa frappe na hawak ng isang kamay niya. Mukhang malalim ang iniisip niya. At base pa lang sa hitsura niya, pupusta akong isang babae lang ang tumatakbo sa isip niya ngayon.
"Nakokonsensiya ako."
Nilingon ko ang katabi ko at ngumisi. "Meron ka pala no'n?"
Lumingon din siya sa direksyon ko at ngumisi nang nakakaloko. "Ano bang akala mo sa 'kin? Puro guwapo lang ang taglay? Tsk."
"Hindi lang kagaguhan ang taglay mo, pati na rin katarantaduhan."
"Bingi ka talaga, Deus."
Ngisi lang ang isinagot ko bago muling ibinalik ang tingin sa direksyon ni Nathan.
"Seriously speaking, nagi-guilty talaga ako sa pagsisinungaling kay Nathan."
Bumuntong-hininga ako. "Si
