NANATILI walang imik si Serena habang lulan na sila ng kotse pauwi, at suot pa rin niya ang kimono dahil hindi na siya nakapagbihis pa gawa ng nangyari. Si Allain pa rin ang nagmaneho at nasa backseat naman sila ni Cyrus.
“Talagang nagawa mong hilingin sa ama mo ang gano'n sa harap ng lahat?” hindi makapaniwalang tanong na ni Cyrus sa kaniya at tinangka pang punasan ang dugo sa noo niya gamit ang handkerchief, pero malakas niyang tinabig ang kamay nito.
“Huwag mo akong hawakan. Huwag mo akong pakialaman,” mahinahon pero puno ng diin niyang saway rito habang nakatingin lang sa kawalan.
Napabuntonghininga naman si Cyrus, pero pinunasan pa rin nito ang dugo sa noo niya. “Gagamutin ko na lang ’yan mamaya pag-uwi natin—”
“No need, I can take care of myself.” Muli niyang tinabig ang kamay ni
