MALAKAS na dumaing si Linus nang maramdaman nito ang malakas na paghampas niya sa isang braso nito.
Nasa may tabi sila ng talon at binabalak na muling maligo. Umiihip ang malakas na hangin kaya maririnig ang paghampas ng mga dahon ng puno sa paligid. Maliban doon ay malinaw rin sa pandinig nila ang paglagaslas ng tubig mula sa talon, at ang mga ingay ng ibon sa paligid.
"Aray!" muling daing nito nang hindi niya tigilan ang paghampas sa braso nito.
Natatawa nitong iniiwas ang sarili sa kaniya pero masiyado siyang naiinis sa lalaki kaya kahit anong iwas ang gawin nito, pilit niyang hinuhuli.
"Ano'ng akala mo? Pagkatapos ng ginawa mo, bibigay agad ako sa iyo?" Kagat ang ibabang labing muli niyang sinuntok sa braso ang asawa.
"Aray! Ciara! Masakit na, ah?" Sapo nito ang kaliwang brasong
