KINUHA ni Allen ang kaniyang phone sa bulsa at mabilis na tinawagan ang number ni Aiselle. Wala pang ilang segundo ay sinagot na kaagad ito ng babae. Naririnig sa kabilang linya ang mga tawa nito na para bang nang-aasar.
"Where the hell is my son, Aiselle?!" galit na sigaw ni Allen. Wala na siyang pakialam kung pagtinginan man sila ng mga taong nadadaanan nila. Hindi nagsalita si Ira na nakasunod lang din kay Allen sa paglalakad papunta sa parking lot.
Pagkatapos kasing makumpirma ng dalawa ang kumuha kay Riley ay umalis na sila roon. Hindi na rin sila pumayag sa sinabi ng manager na i-track pa ito dahil kilala naman nila ang taong kumuha ng kanilang anak. Kung tutuusin ay puwede nila itong idemanda, pero mas nanatili si Allen na huwag na palakihin pa ang gulo. Ang gusto niya lang naman
