MAAGANG nagising sina Allen at Ira dahil balak nilang paarawan si Riley sa labas ng bahay. Bukod doon ay kumakalam na rin ang tiyan ni Allen dahil hindi naman ito nakakain kagabi. Pinagpalipas niya muna kasi ang araw na 'yon dahil nawawalan talaga siya ng gana kahit anong pilit ni Ira sa kaniya na kumain.
Dahil kilala naman si Allen doon ay inasikaso siya ng mga katulong pagpunta niya ng kusina. Katulad ng nakasanayan ay nagpaluto siya ng fried rice, egg, hotdog, and bacon para sa kaniya. Samantalang pancake naman ang para kay Ira. Nagpagawa rin siya ng dalawang basong kape para sa kanila.
"Tawagin mo na lang ako sa labas kapag luto," utos ni Allen kay Isabel. Tumango naman ito at nagsimula na lutuin ang mga sinabi ng amo sa kaniya.
Samantalang naglakad naman si Allen palabas ng bahay
