HINDI alam ni Allen kung paano niya nagawang paliparin ang kotse at makauwi sa bahay nila ng isa't kalahating oras. Halos kalahating oras ang nabawas sa tatlong oras na biyahe papunta sa Maynila. Pagkarating niya roon ay maliwanag na at tanging ambon lang ang mayroon. Hindi katulad sa Floresidad na sobrang lakas ng ulan.
Mula pa lang sa labas ng bahay ay kitang-kita niya na ang limang mga pulis na nakapalibot sa labas ng bahay niya. Nakasarado ang bintana at pinto katulad ng sinabi niya kay Ira. Paniguradong takot na takot na ang mga babae sa loob habang hinihintay ang pagdating ng binata. Alam kasi nila na si Allen lang ang makakaayos ng gulong ito.
Basa pa rin ang katawan ni Allen nang makalabas ng sasakyan. Hindi siya nagpalamon sa takot na nararamdaman niya.. Ang nasa isip niya ay ka
