NAPATINGIN si Ira nang biglang pumasok si Allen sa loob ng kuwarto. Nakabusangot ang mukha nito at tuloy-tuloy ang paglalakad. Kasalukuyan siyang nagpapalit ng diaper ni Riley nang makita ito. Sinundan niya ng tingin ang binata hanggang sa makapasok sa loob ng banyo. Napatalon pa siya sa gulat dahil sa malakas na pagsarado ng pinto.
"Shhh... It's okay, Riley," pagpapatahan ni Ira sa bata nang bigla itong umiyak. Tinignan niya ang pinto ng masama kung saan pumasok si Allen. "Ano bang problema mo?!"
Hindi nakakuha ng sagot si Ira galing sa binata, pero narinig niya ang ilang pagkabasag mula sa loob ng banyo. Inaalo-alo niya na ang bata dahil sa naramdamang takot. Hindi maintindihan ni Ira kung bakit ganoon na lang kumilos si Allen. Ano ba ang nangyari sa baba? Ano ba kasi ang pinag-usapan
